Ohiko moduan uda partean bi astez itxita egongo da Oiardo Kiroldegia, abuztuko lehen hamabostaldian hain zuzen. Betiko mantenimendu lanak bideratzeko baliatuko dute tarte hori, baina aurten, baita Kiroldegia berritzeko lanei ekiteko ere. Hain zuzen, Oiardo handitzeko proiektua gauzatzen hasiko dira abuztuan. Itxita egongo den tarte horretan, fatxada bota nahi dute eta aurrerago berri bat eraiki. Etorkizunean Kiroldegiko egungo sarrera aldetik eraikina handitzea da helburua. Gainera, Oiardo eta Udarregi ikastola tartean dagoen futbol zelai aldetik ere arranpa bat eraikiko dute. Lanak bederatzi edo hamar hilabetetan amaitzea aurreikusten du Kirol Patronatuak.